កិច្ចប្រជុំនេះមានការអញ្ជើញចូលរួមពីឯកឧត្តម លោកជំទាវ លោក លោកស្រីតំណាងក្រសួងមហាផ្ទៃ ក្រសួងសុខាភិបាល ក្រសួងអប់រំ យុវជន និងកីឡា ក្រសួងព័ត៌មាន ក្រសួងសេដ្ឋកិច្ច និងហិរញ្ញវត្ថុ ក្រសួងវប្បធម៌ និងវិចិត្រសិល្បៈ ក្រសួងសាធារណការ និងដឹកជញ្ជូន ក្រសួងធម្មការ និងសាសនា ក្រសួងប្រៃសណីយ៍ និងទូរគមនាគមន៍ តំណាងក្រសួងកិច្ចការនារី លេខាធិការដ្ឋាន គ.ជ.អ.ប. រដ្ឋបាលថ្នាក់ក្រោមជាតិ មជ្ឈមណ្ឌលភីឌីភី និងអង្គការសង្គមស៊ីវិលពាក់ព័ន្ធ សរុបចំនួន៧៨ ស្ត្រី១៤រូប។

កិច្ចសន្ទនាថ្នាក់ជាតិនេះបានរៀបចំឡើងក្នុងគោលបំណង ដើម្បី (១). ចែករំលែកពីដំណើរការ និងលទ្ធផលនៃដីកាស្រុក-ឃុំ ស្ដីពី "ការបង្ការ ទប់ស្កាត់ និងកាត់បន្ថយផលប៉ះពាល់នៃការប្រើប្រាស់គ្រឿងស្រវឹង” (២). បទបង្ហាញពីលទ្ធផលនៃការសិក្សាស្រាវជ្រាវស្តីពី "ផលប៉ះពាល់នៃគ្រឿងស្រវឹងលើសេដ្ឋកិច្ច-សង្គម" និង (៣). កិច្ចពិភាក្សាអំពីផែនការដើម្បីសម្រេចបាននូវគោលនយោបាយឆ្លើយតបចំពោះបញ្ហាដែលពាក់ព័ន្ធនឹងការប្រើប្រាស់គ្រឿងស្រវឹង៕