នាឱកាសនោះ ក៏មានការអញ្ជើញចូលរួមពីឯកឧត្តមរដ្ឋលេខាធិការប្រចាំការ រដ្ឋលេខាលេខាធិការ អនុរដ្ឋលេខាធិការ អគ្គនាយក អគ្គនាយករង ប្រធាននាយកដ្ឋាននៃក្រសួងមហាផ្ទៃ និងលោកជំទាវ លោក លោកស្រីថ្នាក់ដឹកនាំនៃលេខាធិការដ្ឋាន គ.ជ.អ.ប. ក្រសួង ស្ថាប័ន រដ្ឋបាលថ្នាក់ក្រោមជាតិ ដៃគូអភិវឌ្ឍន៍ និងអង្គការសង្គមស៊ីវិលពាក់ព័ន្ធនានា។

ក្នុងពិធីប្រកាសដាក់ឱ្យអនុវត្តជាផ្លូវការនូវកម្មវិធីព័ត៌មានវិទ្យានេះ មានរបៀបវារៈដូចជា៖

-  របាយការណ៍សង្ខេបស្តីពីការរៀបចំកម្មវិធីព័ត៌មានវិទ្យាសម្រាប់ទទួលពាក្យស្នើសុំ និងផ្តល់សេវារដ្ឋបាលតាមប្រព័ន្ធអនឡាញនៅគ្រប់អង្គភាពច្រកចេញចូលតែមួយ បទបង្ហាញដោយឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល

-  ចំណាប់អារម្មណ៍ស្តីពីការចូលរួមគាំទ្រការធ្វើទំនើបកម្មការផ្តល់សេវានៅអង្គភាពច្រកចេញចូលតែមួយ បទបង្ហាញដោយតំណាងក្រុមហ៊ុន KESS INNOVATION PLC

-  ចំណាប់អារម្មណ៍របស់ក្រសួងសេដ្ឋកិច្ច និងហិរញ្ញាវត្ថុ

- វីដេអូស្តីពីអត្ថប្រយោជន៍កម្មវិធីព័ត៌មានវិទ្យាសម្រាប់ទទួលពាក្យស្នើសុំ និងផ្តល់សេវារដ្ឋបាលតាមប្រព័ន្ធអនឡាញនៅគ្រប់អង្គភាពច្រកចេញចូលតែមូយនៃរដ្ឋបាលរាជធានី ខេត្ត

- វីដេអូផ្សព្វផ្សាយអំពីការសេវាអនឡាញនៅអង្គភាពច្រកចេញចូលតែមួយរាជធានី ខេត្ត និងតាមវិធីទូរសព្ទដៃ (App OWSM និង App របស់ធនាគារអេស៊ីលីដា និងABA)

- ពិធីប្រគល់កិច្ចព្រមព្រៀងសហប្រតិបត្តិការរវាងអគ្គនាកដ្ឋានរដ្ឋបាល ក្រសួងមហាផ្ទៃជាមួយក្រុមហ៊ុន ឃេស អ៊ិននើវេសិន ម.ក (KESS Innovation PLC)៕