ព្រឹត្តិការណ៍ថ្មីៗ

សិក្ខាសាលាបិទបញ្ចប់ការសិក្សាសមិទ្ធិលទ្ធភាពគម្រោង «ហេដ្ឋារចនាសម្ព័ន្ធជនបទ និងការវិនិយោគសម្រាប់ការអភិវឌ្ឍ Rural Infrastructure and Investment for Sustainable Growth (RISING)

៣១ កក្កដា ២០២៦

ខេត្តសៀមរាប៖ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការ ក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីក្នុងពិធីបើកសិក្ខាសាលាបិទបញ្ចប់ការសិក្សាសមិទ្ធិលទ្ធភាពគម្រោង RISINGនិងក្រោមអធិបតីភាព ឯកឧត្តម នី គីមសាន អនុរដ្ឋលេខាធិការក្រសួងមហាផ្ទៃ និងជាអនុប្រធានលេខាធិការដ្ឋាន គ.ជ.អ.ប. ក្នុងពិធីបិទដោយមានការចូលរួមពីតំណាងក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ តំណាងធនាគារវិនិយោគហេដ្ឋារចនាសម្ព័ន្ធអាស៊ី (AIIB) និងក្រុមទីប្រឹក្សាគម្រោង សរុបប្រមាណ៧៩ រូប(ស្រី២១រូប)។

គោលបំណងនៃសិក្ខាសាលា គឺដើម្បីពិនិត្យ ពិភាក្សា និងប្រមូលមតិយោបល់លើឯកសារសិក្សាសមិទ្ធិលទ្ធភាព មុននឹងបញ្ចប់ឯកសារគម្រោងសម្រាប់ដាក់ជូន AIIB ពិនិត្យ និងឈានទៅដំណាក់កាលវាយតម្លៃ និងអនុម័ត។

https://cms.ncdd.gov.kh/uploads/topics/17857240591876.JPG

ពិធីប្រកាសការផ្តល់ហិរញ្ញប្បទានបន្ថែមរបស់រដ្ឋាភិបាលអូស្រ្តាលីគាំទ្រដល់ប្រព័ន្ធគាំពារសង្គមនៅកម្ពុជា

៣០ កក្កដា ២០២៦

រាជធានីភ្នំពេញ៖ នារសៀលថ្ងៃទី៣០ ខែកក្កដា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញចូលរួមក្នុងពិធីប្រកាសការផ្តល់ហិរញ្ញប្បទានបន្ថែមរបស់រដ្ឋាភិបាលអូស្រ្តាលីគាំទ្រដល់ប្រព័ន្ធគាំពារសង្គមនៅកម្ពុជា នៅមន្ទីរពេទ្យកុមារជាតិ រាជធានីភ្នំពេញ។

កម្មវិធីនេះ បានប្រព្រឹត្តិទៅក្រោមសហធិបតី លោកជំទាវបណ្ឌិត Anne Aly រដ្ឋមន្ត្រីក្រសួងអភិវឌ្ឍន៍អន្តរជាតិ រដ្ឋមន្ត្រីក្រសួងកិច្ចការពហុវប្បធម៌ និងជារដ្ឋមន្រ្តីក្រសួងអាជីវកម្មខ្នាតតូចនៃប្រទេសអូស្រ្តាលី និងលោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ព្រមជាមួយគ្នានេះក៏មានការអញ្ជើញចូលរួមពីឯកឧត្តមអគ្គរដ្ឋទូតអូស្រ្តាលីប្រចាំប្រទេសកម្ពុជា តំណាងទូតសហព័ន្ធអាល្លឺម៉ង់ មន្រ្តីរាជរដ្ឋាភិបាលពីបណ្តាក្រសួង ស្ថាប័ន លេខាធិការដ្ឋាន គ.ជ.អ.ប. ដៃគូអភិវឌ្ឍន៍ រួមជាមួយអ្នកពាក់ព័ន្ធនានា ប្រមាណជា៤០រូប។

https://cms.ncdd.gov.kh/uploads/topics/17857235635205.JPG

សិក្ខាសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ ថ្ងៃទី២

៣១ កក្កដា ២០២៦

រាជធានីភ្នំពេញ ៖ ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ លោក ម៉ន ប៊ុនថារិទ្ធ អនុប្រធានអង្គភាពត្រួតពិនិត្យ វាយតម្លៃ និងព័ត៌មាននៃលេខាធិការដ្ឋានគ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីភាពបើកសិក្ខសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ នៅថ្ងៃទី២។

https://cms.ncdd.gov.kh/uploads/topics/17857232724129.jpg

សិក្ខាសាលា ស្ដីពីការរៀបចំសំណើជំនួយបច្ចេកទេសរបស់កម្ពុជា ទៅកាន់បណ្ដាញសាន់ទីអាហ្គោស្ដីពីការបាត់បង់និងការខូចខាត

៣១ កក្កដា ២០២៦

រាជធានីភ្នំពេញ៖ នាថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំមន្ត្រីបច្ចេកទេស ចូលរួមជាគណៈអធិបតីក្នុង «សិក្ខាសាលា ស្ដីពីការរៀបចំសំណើជំនួយបច្ចេកទេសរបស់កម្ពុជា ទៅកាន់បណ្ដាញសាន់ទីអាហ្គោស្ដីពីការបាត់បង់និងការខូចខាត»។

https://cms.ncdd.gov.kh/uploads/topics/17854668628423.JPG

សិក្ខាសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ

៣០ កក្កដា ២០២៦

រាជធានីភ្នំពេញ ៖ ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីភាពបើកសិក្ខសាលាពិគ្រោះយោបល់លើសេចក្តីព្រាងយុទ្ធសាស្ត្រប្រាស្រ័យទាក់ទងនៃកម្មវិធីជាតិសម្រាប់ការអភិវឌ្ឍតាមបែបប្រជាធិតេយ្យនៅថ្នាក់ក្រោមជាតិ។

https://cms.ncdd.gov.kh/uploads/topics/17854663847146.JPG

កិច្ចប្រជុំគាំទ្របច្ចេកទេស និងការរៀបចំកំណត់មុខតំណែងវិជ្ជាជីវៈ ព្រមទាំងការពិពណ៌នាមុខតំណែងនានាក្នុងរចនាសម្ព័ន្ធរដ្ឋបាលស្រុកសូទ្រនិគម

៣០ កក្កដា ២០២៦

សាលាស្រុកសូទ្រនិគម៖ នាថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍន៍គោលនយោបាយ និងជាតំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំគាំទ្រ តាមដាន និងត្រួតពិនិត្យការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែង ក្នុងរចនាសម្ព័ន្ធគ្រប់គ្រងរបស់រដ្ឋបាលស្រុកសូទ្រនិគម ។

https://cms.ncdd.gov.kh/uploads/topics/17854656737225.jfif

កិច្ចប្រជុំពិភាក្សាស្តីពីការស្វែងរកលទ្ធភាពភាពជាដៃគូសម្រាប់កិច្ចសហការគ្នារវាងអង្គការលំនៅឋានមនុស្សជាតិអន្តរជាតិកម្ពុជា និងលេខាធិការដ្ឋាន គ.ជ.អ.ប. ក្នុងក្របខណ្ឌកំណែទម្រង់វិមជ្ឈការ និងវិសហមជ្ឈការ

២៩ កក្កដា ២០២៦

លេខាធិការដ្ឋាន គ.ជ.អ.ប.៖ នាព្រឹកថ្ងៃពុធ ១៥កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. និង លោក ផល វ៉ាន់ឌី នាយកប្រចាំប្រទេស បានអញ្ជើញដឹកនាំកិច្ចប្រជុំពិភាក្សារវាងលេខាធិការដ្ឋាន គ.ជ.អ.ប. ជាមួយអង្គការលំនៅឋានមនុស្សជាតិអន្តរជាតិកម្ពុជា (Habitat for Humanity International in Cambodia) ស្តីពីការស្វែងរកលទ្ធភាពភាពជាដៃគូសម្រាប់កិច្ចសហការគ្នារវាងអង្គការលំនៅឋានមនុស្សជាតិអន្តរជាតិកម្ពុជា និងលេខាធិការដ្ឋាន គ.ជ.អ.ប. ក្នុងក្របខណ្ឌកំណែទម្រង់វិមជ្ឈការ និងវិសហមជ្ឈការ។

https://cms.ncdd.gov.kh/uploads/topics/17854650456049.jpg

វគ្គបណ្តុះបណ្តាលស្តីពីដំណើរការប្រព័ន្ធ និងការអនុវត្តសាកល្បងការប្រើប្រាស់ប័ណ្ណដាក់ពិន្ទុគណនេយ្យភាពសង្គមតាមប្រព័ន្ធឌីជីថលដល់រដ្ឋបាលថ្នាក់ក្រោមជាតិ និងអ្នកពាក់ព័ន្ធ

២៨ កក្កដា ២០២៦

ក្រសួងមហាផ្ទៃ៖ នាព្រឹកថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ លោក សុខ ជឿន អនុប្រធានអង្គភាពត្រួតពិនិត្យ វាយតម្លៃ និងព័ត៌មាន នៃលេខាធិការដ្ឋាន គ.ជ.អ.ប. បានអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពី «ដំណើរការប្រព័ន្ធ និងការអនុវត្តសាកល្បងការប្រើប្រាស់ប័ណ្ណដាក់ពិន្ទុគណនេយ្យភាពសង្គមតាមប្រព័ន្ធឌីជីថល»។

ថ្លែងក្នុងពិធីបើកវគ្គបណ្តុះបណ្តាល លោក សុខ ជឿន បានសម្ដែងនូវការសាទរ និងថ្លែងអំណរគុណចំពោះកិច្ចសហការល្អរវាងក្រសួង ស្ថាប័នពាក់ព័ន្ធ និងអង្គការសង្គមស៊ីវិល ដែលបានចូលរួមផ្តល់ធាតុចូលយ៉ាងសំខាន់ដល់ក្រុមការងារបច្ចេកទេស ក្នុងការអភិវឌ្ឍ និងកែលម្អប្រព័ន្ធឱ្យកាន់តែមានប្រសិទ្ធភាព និងឆ្លើយតបនឹងតម្រូវការនៃការអនុវត្តជាក់ស្តែងនាពេលកន្លងមក។

https://cms.ncdd.gov.kh/uploads/topics/17852242262113.JPG

កិច្ចប្រជុំគាំទ្របច្ចេកទេស និងការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរដ្ឋបាលក្រុងសៀមរាប

២៨ កក្កដា ២០២៦

សាលាក្រុងសៀមរាប៖ នាថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ ឯកឧត្តម ជ័យ សម្បត្តិផល្លា ប្រធានអង្គភាពវិភាគ និងអភិវឌ្ឍន៍គោលនយោបាយ និងជាតំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំគាំទ្របច្ចេកទេស និងការរៀបចំកំណត់មុខតំណែងវិជ្ជាជីវៈ និងការពិពណ៌នាមុខតំណែងក្នុងរចនាសម្ព័ន្ធរដ្ឋបាលក្រុងសៀមរាប ។

https://cms.ncdd.gov.kh/uploads/topics/17851221572122.JPG

កិច្ចប្រជុំឆ្លងរបាយការណ៍ និងបិទការងារសវនកម្មផ្ទៃក្នុង នៅលេខាធិការដ្ឋាន គ.ជ.អ.ប. សម្រាប់ការិយបរិច្ឆេទ២០២៥ និងបណ្ដាឆ្នាំពាក់ព័ន្ធ

២៤ កក្កដា ២០២៦

ទីស្តីការក្រសួមហាផ្ទៃ ៖ នាព្រឹកថ្ងៃសុក្រ ១០កើត ខែទុតិយាសាឍ ឆ្នាំខាល អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីដឹកនាំកិច្ចប្រជុំឆ្លងរបាយការណ៍ និងបិទការងារសវនកម្មផ្ទៃក្នុង នៅលេខាធិការដ្ឋាន នៃគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.) សម្រាប់ការិយបរិច្ឆេទ២០២៥ និងបណ្ដាឆ្នាំពាក់ព័ន្ធ។

កិច្ចប្រជុំនេះ មានការអញ្ជើញចូលរួមពី ឯកឧត្តម អនុរដ្ឋលេខាធិការ និងជាអនុប្រធានលេខាធិការដ្ឋាន គ.ជ.អ.ប. ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ និងជាប្រធានគណៈប្រតិភូសវនកម្មផ្ទៃក្នុង ព្រមទាំងថ្នាក់ដឹកនាំ និងមន្ត្រីបច្ចេកទេសពាក់ព័ន្ធ សរុបប្រមាណ ២៥ រូប ។

https://cms.ncdd.gov.kh/uploads/topics/17851219909418.JPG

ពិធីបិទសិក្ខាសាលាចែករំលែកបទពិសោធរបស់អាជ្ញាធរមូលដ្ឋាន ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល

២៣ កក្កដា ២០២៦

ទីស្តីការក្រសួងមហាផ្ទៃ៖ នៅថ្ងៃព្រហស្បតិ៍ ៩កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែកក្កដា ឆ្នាំ២០២៦នេះ ក្រសួងមុខងារសាធារណៈ និងក្រសួងមហាផ្ទៃ បានសហការរៀបចំពិធីបិទសិក្ខាសាលាថ្នាក់ជាតិមួយ ស្តីពី «ការចែករំលែកបទពិសោធរបស់អាជ្ញាធរមូលដ្ឋាន ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល» នៅសាលប្រជុំ S ទីស្តីការក្រសួងមហាផ្ទៃ ក្រោមអធិបតីភាពសហប្រធានដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ (គ.វ.ជ.) និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.អ.ប.។

https://cms.ncdd.gov.kh/uploads/topics/17851211717344.JPG

ពិធីបើកសិក្ខាសាលាចែករំលែកបទពិសោធរបស់អាជ្ញាធរមូលដ្ឋាន ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល

២៣ កក្កដា ២០២៦

ទីស្តីការក្រសួងមហាផ្ទៃ ៖ នៅថ្ងៃទី២៣ ខែកក្កដា ឆ្នាំ២០២៦នេះ ក្រសួងមុខងារសាធារណៈ និងក្រសួងមហាផ្ទៃ បានសហការរៀបចំសិក្ខាសាលាថ្នាក់ជាតិមួយ ស្តីពី «ការចែករំលែកបទពិសោធរបស់អាជ្ញាធរមូលដ្ឋាន ក្នុងការកសាងអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល» នៅសាលប្រជុំ S ទីស្តីការក្រសួងមហាផ្ទៃ ក្រោមអធិបតីភាពសហប្រធានដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ (គ.វ.ជ.) និង ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន គ.ជ.អ.ប.។

«១ ២ ៣ ៤ ៥ ៦ ៧ ...២៦ »

ព្រឹត្តិការណ៍ថ្មីៗ

វគ្គបណ្តុះបណ្តាលស្តីពី « ការពង្រឹងតួនាទី និងភារកិច្ចរបស់ក្រុមការងារថ្នាក់រាជធានី ខេត្ត គាំទ្រដល់រដ្ឋបាលក្រុង ស្រុក ខណ្ឌលើការអនុវត្តមុខងារវិស័យអប់រំ យុវជន និងកីឡា »

១៥ កញ្ញា ២០២៦

ដំណើរទស្សនកិច្ចសិក្សាស្វែងយល់នៅថ្នាក់មូលដ្ឋាន នៃបេសកកម្មរៀបចំគម្រោង «ជំរុញការអភិវឌ្ឍសេដ្ឋកិច្ចមូលដ្ឋានធន់នឹងការប្រែប្រួលអាកាសធាតុប្រកបដោយចីរភាព (SCALED)» របស់ធនាគារពិភពលោក

១៥ កញ្ញា ២០២៦