សៀមរាប៖ ថ្ងៃពុធ ៥រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែធ្នូ ឆ្នាំ២០២៥ លេខាធិការដ្ឋាន គ.ជ.អ.ប. សហការជាមួយអង្គការទស្សនៈពិភពលោកអន្តរជាតិក្នុងការរៀបចំវគ្គបណ្តុះបណ្តាល ស្តីពីការអនុវត្តសាកល្បងការងារគណនេយ្យភាពសង្គមនៅថ្នាក់ក្រុង ស្រុក ខណ្ឌ។
វគ្គបណ្តុះបណ្តាលនេះរៀបចំឡើងក្នុងគោលបំណងពង្រឹងសមត្ថភាពបន្ថែមដល់រដ្ឋបាលស្រុកសង្កែ ខេត្តបាត់ដំបង និងរដ្ឋបាលស្រុកព្រះនេត្រព្រះ ខេត្តបន្ទាយមានជ័យ ក្នុងការអនុវត្តសាកល្បងការងារគណនេយ្យភាពសង្គមនៅថ្នាក់ក្រុង ស្រុក ខណ្ឌ ក្នុងក្របខ័ណ្ឌកម្មវិធីធ្វើឱ្យប្រសើរឡើងនូវការផ្តល់សេវាជូនដល់ប្រជាពលរដ្ឋនៅក្នុងប្រទេសកម្ពុជា(ISD) ដែលគាំទ្រដោយទីភ្នាក់ងារកិច្ចសហប្រតិបត្តិការប្រទេសស្វីស(SDC) និងប្រទេសលុយស្សាមប៊ួ តាមរយៈភ្នាក់កិច្ចសហប្រតិបត្តិការអន្តរជាតិនៃប្រទេសអាល្លឺម៉ង់(GIZ) ។
