«វេទិកាស្ដីពីផែនការវិនិយោគបន្ស៊ាំនឹងការប្រែប្រួលអាកាសធាតុ លើកទី៣ (3rd Climate Adaptation Investment Planning Forum - CAIP2026)»

១៨ កញ្ញា ២០២៦

ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. បានអញ្ជើញចូលរួមក្នុង «វេទិកាស្ដីពីផែនការវិនិយោគបន្ស៊ាំនឹងការប្រែប្រួលអាកាសធាតុ លើកទី៣ (3rd Climate Adaptation Investment Planning Forum - CAIP2026)» ដែលរៀបចំឡើងដោយធនាគារអភិវឌ្ឍន៍អាស៊ី (ADB) នៅទីស្នាក់ការកណ្តាល ADB រាជធានីម៉ានីល ប្រទេសហ្វីលីពីន

ចាប់ពីថ្ងៃទី១៥ ដល់ថ្ងៃទី១៦ ខែកញ្ញា ឆ្នាំ២០២៦។

វេទិកាសកលប្រចាំឆ្នាំនេះ គឺជាវេទិកាសំខាន់មួយដែលប្រមូលផ្តុំតំណាងរាជរដ្ឋាភិបាល ដៃគូអភិវឌ្ឍន៍អន្តរជាតិ មូលនិធិអាកាសធាតុសកល ស្ថាប័នហិរញ្ញវត្ថុ និងវិស័យឯកជន ដើម្បីផ្លាស់ប្តូរចំណេះដឹង ឧបករណ៍ វិធីសាស្ត្រ និងបទពិសោធន៍ពាក់ព័ន្ធនឹងការរៀបចំផែនការវិនិយោគបន្ស៊ាំនឹងការប្រែប្រួលអាកាសធាតុ។

វេទិកាសកលប្រចាំឆ្នាំនេះ គឺជាវេទិកាសំខាន់មួយដែលប្រមូលផ្តុំតំណាងរាជរដ្ឋាភិបាល ដៃគូអភិវឌ្ឍន៍អន្តរជាតិ មូលនិធិអាកាសធាតុសកល ស្ថាប័នហិរញ្ញវត្ថុ និងវិស័យឯកជន ដើម្បីផ្លាស់ប្តូរចំណេះដឹង ឧបករណ៍ វិធីសាស្ត្រ និងមេរៀនបទពិសោធន៍ពាក់ព័ន្ធនឹងការរៀបចំផែនការវិនិយោគដែលបន្ស៊ាំនឹងអាកាសធាតុ។

ទន្ទឹមនេះ វេទិកាបានផ្តោតសំខាន់លើ ការកំណត់សកម្មភាពអាទិភាព និងការគាំទ្រដល់ការយកផែនការវិនិយោគទៅអនុវត្តជាក់ស្តែង ព្រមទាំងការពង្រឹងកិច្ចសហប្រតិបត្តិការភាពជាដៃគូរវាងរាជរដ្ឋាភិបាលជាមួយដៃគូអភិវឌ្ឍន៍ និងស្ថាប័នហិរញ្ញវត្ថុអន្តរជាតិ ដើម្បីកៀរគរប្រភពធនធាន និងពន្លឿនការវិនិយោគលើផែនការបន្ស៊ាំថ្នាក់ជាតិ និងថ្នាក់ក្រោមជាតិឱ្យកាន់តែមានប្រសិទ្ធភាព និងប្រកបដោយបរិយាបន្ន។

Facebook Telegram 𝕏Twitter LinkedIn