សិក្ខាសាលានេះ មានគោលបំណង ពង្រឹងសមត្ថភាពរបស់កម្ពុជាក្នុងការអភិវឌ្ឍសំណើគម្រោងទៅកាន់មូលនិធិសម្រាប់ឆ្លើយតបទៅនឹងការបាត់បង់ និងការខូចខាត (FRLD) ក្រោមអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ។ ជាមួយគ្នានេះដែរ លេខាធិការដ្ឋាន គ.ជ.អ.ប. គឺជាស្ថាប័នដែលទទួលបានហិរញ្ញប្បទានផ្ទាល់ពីមូលនិធិអាកាសធាតុបៃតង និងត្រូវបានទទួលស្គាល់ពីមូលនិធិសម្រាប់ឆ្លើយតបទៅនឹងការបាត់បង់ និងការខូចខាត (FRLD) ។ សិក្ខាសាលានេះ ត្រូវបានសម្របសម្រួលឡើងដោយក្រសួងបរិស្ថាន សហការជាមួយអង្គការ GIZ ដោយមានសមាសភាពចូលរួមពីតំណាងក្រសួង-ស្ថាប័ន ដៃគូអភិវឌ្ឍន៍ និងអង្គការសង្គមស៊ីវិល សរុបចំនួន ៩៨ រូប។