កិច្ចប្រជុំនេះ មានការអញ្ជើញចូលរួមពីសមាជិក សមាជិកានៃគណៈកម្មាធិការកែទម្រង់គន្លឺះទាំង៥ របស់រាជរដ្ឋាភិបាល រួមមាន៖ គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.) គណៈកម្មាធិការកែទម្រង់រដ្ឋបាលសាធារណៈ (គ.ក.ស.) គណៈកម្មាធិការដឹកនាំការកែទម្រង់ហិរញ្ញវត្ថុសាធារណៈ គណៈកម្មាធិការដឹកនាំការកែទម្រង់ប្រព័ន្ធយុត្តិធម៌ និងគណៈកម្មាធិការដឹកនាំការកែទម្រង់ច្បាប់ និងអ្នកពាក់់ព័ន្ធនានា ដែលមានសភាពចូលរួមសរុប ចំនួន ៨៣រូប ស្រ្តី១៥រូប។

កិច្ចប្រជុំនេះ រៀបចំឡើងក្នុងគោលបំណង ពិនិត្យលើវឌ្ឍភាព និងការកំណត់ទិសដៅអនុវត្តបន្តដើម្បីដាក់ចេញជាសកម្មភាពអទិភាព និងភាពប្រទាក់ក្រឡាគ្នាធានាសុខដុមនីយកម្ម និងប្រសិទ្ធភាពនៃការអនុវត្តគោលនយោបាយជាតិ។

កិច្ចប្រជុំរយៈពេលមួយថ្ងៃ មានរបៀបវារៈដូចខាងក្រោម៖
១.បទបង្ហាញ ស្តីពីរបាយការណ៍វឌ្ឍនភាពប្រចាំឆ្នាំ២០២៥ និងផែនការសកម្មភាពប្រចាំឆ្នាំ២០២៦ នៃ យ.ស.ក. ដោយតំណាង អ.គ.ហ.
២.ការពិភាក្សាលើរបាយការណ៍វឌ្ឍនភាពប្រចាំឆ្នាំ២០២៥ និងផែនការសកម្មភាពប្រចាំឆ្នាំ២០២៦ នៃ យ.ស.ក.
៣.បទបង្ហាញ ស្តីពីសេចក្តីព្រាងរបាយការណ៍ប្រសិទ្ធភាពនៃយន្តការសម្របសម្រួលកិច្ចការកែទម្រង់គន្លឹះនៃរាជរដ្ឋាភិបាល
៣.បទបង្ហាញ ស្តីពីសេចក្តីព្រាងនៃការបង្កើតក្រុមការងារអចិន្រ្តៃយ៍ (Permanent Working Group (PWG)
៤.បទបង្ហាញ ស្តីពីការត្រៀមរៀបចំសិក្ខាសាលាផ្សព្វផ្សាយក្នុងក្របខណ្ឌ យ.ស.ក. ជួយគាំទ្រដល់ក្រសួងអប់រំ យុវជន និងកីឡា និងក្រសួងសុខាភិបាល និង
៥.បទបង្ហាញស្តីពី កិច្ចដំណើរការក្នុងការបំពេញទស្សនកិច្ចសិក្សានៅ PEMANDU នៃប្រទេសម៉ាឡេស៊ី៕