លេខាធិការដ្ឋាន គ.ជ.អ.ប.៖ នៅរសៀល ថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំកិច្ចប្រជុំពិនិត្យ និងពិភាក្សាលើសេចក្តីព្រាងរបាយការណ៍ស្ដីពីការសិក្សាជម្រើសសម្រាប់បង្កើតអង្គភាពសវនកម្មផ្ទៃក្នុងនៅរដ្ឋបាលរាជធានី ខេត្ត។
សូមជម្រាបជូនថា ការសិក្សានេះនឹងផ្ដល់គោលការណ៍តម្រង់ទិសដល់ការរៀបចំ វិធីសាស្រ្ដ ការប្រមូល ចងក្រង មេរៀន បទពិសោធន៍ពាក់ព័ន្ធនានា ដើម្បីធ្វើជាមូលដ្ឋានពិចារណាលើការកំណត់ ជម្រើសសមស្របនានាក្នុងការ បង្កើតអង្គភាពសវនកម្មផ្ទៃក្នុងនៅរដ្ឋបាលរាជធានី ខេត្ត ។
កិច្ចប្រជុំនេះមានការចូលរួមពីឯកឧត្តម លោកជំទាវ លោក លោកស្រី និងមន្ត្រីនៃលេខាធិការដ្ឋាន គ.ជ.អ.ប. និងអគ្គនាយកដ្ឋានរដ្ឋបាលក្រសួងមហាផ្ទៃ សរុបប្រមាណ ២៨រូប ក្នុងនោះមានស្ត្រីចំនួន ០៥ រូប។
