អំពីគម្រោង៖ ធានាសហគមន៍ក្នុងទីក្រុងមានសុវត្ថិភាព មានសុខភាពល្អ និងប្រកបដោយចីរភាពសម្រាប់ទាំងអស់គ្នា

រាជធានីភ្នំពេញ កំពុងប្រឈមមុខកាន់តែខ្លាំងទៅនឹងរលកកម្ដៅក្តៅខ្លាំង ដោយសារនគរូបនីយកម្មយ៉ាងឆាប់រហ័ស និងការប្រែប្រួលអាកាសធាតុ។ គ្រួសារក្រីក្រដែលរស់នៅក្នុងតំបន់សហគមន៌ក្រីក្រក្រោមដំបូលស័ង្កសី មនុស្ស

ចាស់ កុមារ ស្ត្រីមានផ្ទៃពោះ និងអ្នកធ្វើការងារខាងក្រៅអគារ គឺជាអ្នកដែលរងផលប៉ះពាល់ធ្ងន់ធ្ងរជាងគេ។ ប្រព័ន្ធអគ្គិសនី និងប្រព័ន្ធសុខាភិបាលរបស់ទីក្រុង ដែលមិនត្រូវបានរៀបចំឡើងសម្រាប់ទប់ទល់នឹងរលកកម្ដៅខ្លាំង

តែងតែជួបប្រទះតម្រូវការការប្រើប្រាស់ច្រើនលើសលប់នៅរដូវក្ដៅ។ ទោះបីជាមានវឌ្ឍនភាពក្នុងការគ្រប់គ្រងហានិភ័យគ្រោះមហន្តរាយក៏ដោយ ប៉ុន្តែប្រទេសកម្ពុជានៅខ្វះប្រព័ន្ធដែលមានរចនាសម្ព័ន្ធច្បាស់លាស់សម្រាប់ការ

តាមដាន ការប្រកាសឱ្យដឹងមុន និងការសម្របសម្រួលដើម្បីឆ្លើយតបចំពោះរលកកម្ដៅ។

ដើម្បីដោះស្រាយបញ្ហាប្រឈមនេះ គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.) នៃព្រះរាជាណាចក្រកម្ពុជា តាមរយៈលេខាធិការដ្ឋានរបស់ខ្លួន កំពុងសហការជាមួយ GIZ ដើម្បីរៀបចំសំណើគម្រោងដាក់ជូនមូលនិធិអាកាសធាតុបៃតង (GCF)។

ក្នុងនាមជាអង្គភាពថ្នាក់ជាតិដែលជាស្ថាប័នទទួលមូលនិធិផ្ទាល់ពី GCF លេខាធិការដ្ឋាន​គ.ជ.អ.ប. មានគោលបំណងកៀរគរហិរញ្ញប្បទានអាកាសធាតុ ដើម្បីពង្រឹងភាពធន់របស់រាជធានីភ្នំពេញទៅនឹងរលកកម្ដៅខ្លាំង។ គម្រោងដែលបានពណ៌នានៅក្នុងឯកសារនេះ មានគោលបំណងបង្កើតអភិក្រមសាកល្បង ដើម្បីពង្រឹងភាពធន់អោយបានទូលំទូលាយទៅនឹងរលកកម្ដៅនៅក្នុងរាជធានីភ្នំពេញ។ គម្រោងនេះនឹងពង្រឹងការតាមដានកម្ដៅ និងការប្រកាសឱ្យដឹងមុនតាមរយៈស្ថាបត្យកម្មទិន្នន័យសម្រាប់ការតាមដានមើលកម្តៅ ព្រមទាំងគាំទ្រដល់ក្រសួងធនធានទឹក និងឧតុនិយម និងរដ្ឋបាលរាជធានីភ្នំពេញ ក្នុងការរៀបចំផែនការសកម្មភាពកម្ដៅរាជធានីភ្នំពេញ (PP-HAP) ដែលមានការកំណត់ច្បាស់នូវកម្រិតកំណត់ ពិធីសារ និងការទទួលខុសត្រូវ។ គ្រួសារ និងសហគមន៍ងាយរងគ្រោះ នឹងទទួលបានការគាំទ្រ តាមរយៈប្រព័ន្ធគាំពារសង្គមថ្នាក់ជាតិ​    ខណៈដែលសាលារៀន គ្លីនិកសុខភាព និងមូលដ្ឋានសុខាភិបាល ព្រមទាំងទីតាំងសង្គមផ្សេងទៀតនៅក្នុងបណ្តាខណ្ឌអាទិភាព នឹងត្រូវបានបំពាក់បន្ថែមនូវដំណោះស្រាយលើការកាត់បន្ថយកម្ដៅបែបអសកម្ម ឬបែបធម្មជាតិ និងតាមបែបប្រើប្រាស់ថាមពលត្រជាក់ប្រកបដោយប្រសិទ្ធភាព។ បន្ថែមលើនេះ យន្តការហិរញ្ញប្បទានផ្អែកលើការព្យាករណ៍នឹងបញ្ចេញមូលនិធិ ដែលបានរៀបចំទុកជាមុន និងជំរុញឱ្យមានសកម្មភាពឆ្លើយតបជាមុន រួមទាំងនៅក្នុងវិស័យសុខាភិបាល ខណៈដែលកម្មវិធីវិនិយោគសាធារណៈរបស់រាជធានីភ្នំពេញនឹងចាប់ផ្តើមបម្រុងទុកធនធានសម្រាប់ការកាត់បន្ថយរលកកម្ដៅទីក្រុងក្នុងរយៈពេលវែង។

 

គោលបំណង និងអភិក្រម៖ គម្រោងនេះ មានគោលបំណងពង្រឹងភាពធន់ទៅនឹងរលកកម្ដៅខ្លាំងសម្រាប់អ្នករស់នៅក្នុងរាជធានីភ្នំពេញ តាមរយៈការរៀបចំ និងការអនុវត្តប្រព័ន្ធគ្រប់គ្រងរលកកម្ដៅគ្រប់ជ្រុងជ្រោយមួយ។

គោលបំណងនេះនឹងសម្រេចបានតាមរយៈអភិក្រមដូចខាងក្រោម៖

១) ផ្លាស់ប្តូរពីសកម្មភាពឆ្លើយតបបែបប្រតិកម្ម ទៅជាសកម្មភាពឆ្លើយតបបែបបុរេសកម្ម៖ គម្រោងនេះជួយឱ្យរាជធានីភ្នំពេញ អាចប៉ាន់ស្មានលើហានិភ័យជាមុន អាចគ្រប់គ្រងហានិភ័យបាន និងឆ្លើយតបទាន់ពេល

វេលាជាប្រព័ន្ធទៅនឹងរលកកម្ដៅបន្ទាប់ពីកើតឡើង។

២) ពង្រឹងប្រព័ន្ធនានាដែលគាំពារប្រជាជន៖ គម្រោងនេះពង្រឹងស្ថាប័ន សេវានានា និងហេដ្ឋារចនាសម្ព័ន្ធដែលត្រូវការចាំបាច់ ដើម្បីការពារសុវត្ថិភាពគ្រួសារ និងក្រុមជនងាយរងគ្រោះ ដោយរួមបញ្ចូលនូវការទទួលបាន

ព័ត៌មានអំពីអាកាសធាតុ ការគាំពារសង្គម និងការអភិវឌ្ឍទីក្រុង។

៣) បញ្ជ្រាបភាពធន់ទៅនឹងរលកកម្ដៅក្នុងអភិបាលកិច្ចប្រចាំថ្ងៃ៖ តាមរយៈរចនាសម្ព័ន្ធថ្នាក់ជាតិ និងថ្នាក់ក្រោមជាតិ គម្រោងនេះនឹងបង្កើតគំរូរយៈពេលវែង ដែលអាចពង្រីកវិសាលភាពបានដើម្បីរៀបចំផែនការ និងការ

វិនិយោគក្នុងរាជធានីភ្នំពេញឱ្យកាន់តែត្រជាក់ និងមានសុវត្ថិភាពជាងមុន។

 

សមាសភាគស្នូល៖

សមាសភាគទី ១៖ ការលើកកម្ពស់ការគ្រប់គ្រងទិន្នន័យ និងការផ្សព្វផ្សាយ សម្រាប់ការព្យាករណ៍ និងការតាមដានលើរលកកម្ដៅ

សមាសភាគទី ២៖ សមាហរណកម្មភាពធន់នឹងកម្តៅក្នុងសហគមន៍ តាមរយៈកិច្ចគាំពារសង្គម ដែលបន្ស៊ាំនឹងអាកាសធាតុ និងការឆ្លើយតបនឹងការកាត់បន្ថយកម្តៅ

សមាសភាគទី ៣៖ ការផ្តល់ហិរញ្ញប្បទានឆ្លើយតបនឹងហានិភ័យអាកាសធាតុ សម្រាប់ភាពធន់នឹងកម្ដៅក្នុងទីក្រុងប្រកបដោយចីរភាព

លទ្ធផលរំពឹងទុក

លទ្ធផលរយៈពេលខ្លី (នៅពេលបញ្ចប់គម្រោង)

·       ការលើកកម្ពស់ការត្រៀមលក្ខណៈជាមុន និងការសម្របសម្រួល

·       ការគាំទ្រចំគោលដៅដល់ក្រុមជនងាយរងគ្រោះ

លទ្ធផលរយៈពេលវែង (ក្រោយបញ្ចប់គម្រោង)

·       មូលដ្ឋានកាន់តែរឹងមាំសម្រាប់ការគ្រប់គ្រងកម្ដៅទូទាំងទីក្រុង

·       ការដាក់បញ្ចូលភាពធន់នឹងរលកកម្ដៅកាន់តែល្អប្រសើរឡើងទៅក្នុងការរៀបចំផែនការ

ការជះឥទ្ធិពលទូលំទូលាយ

·       បានកាត់បន្ថយហានិភ័យពាក់ព័ន្ធនឹងរលកកម្ដៅសម្រាប់ប្រជាពលរដ្ឋរស់នៅក្នុងរាជធានីភ្នំពេញ

·       បានជាគំរូម៉ូឌែល ដែលអាចអនុវត្តសម្រាប់ការពង្រីកភាពធន់នឹងរលកកម្ដៅ

លេខកូដ គម្រោង
វិស័យ	ប្រែប្រួលអាកាសធាតុ
រយៈពេលអនុវត្ត	៥ឆ្នាំ
ស្ថាប័នអនុវត្ត	- លេខាធិការដ្ឋាន គ​.ជ.អ.ប. - GIZ
ហិរញ្ញប្បទាន	១០ លានដុល្លារអាមេរិក
ដៃគូអភិវឌ្ឍន៍	មូលនិធិអាកាសធាតុបៃតង (CGF)