កិច្ចប្រជុំនេះរៀបចំឡើងក្នុងគោលបំណង ដើម្បីពិនិត្យ និងពិភាក្សាលើការកំណត់យកសកម្មភាពអាទិភាពពាក់ព័ន្ធនឹងការអនុវត្តការងារគណនេយ្យភាពសង្គម និងសកម្មភាពអាទិភាពពាក់ព័ន្ធផ្សេងៗក្រោមការដឹកនាំ និងសម្របសម្រួលរបស់អង្គភាពត្រួតពិនិត្យ វាយតម្លៃ និងព័ត៌មាន សម្រាប់គាំទ្រ សហការអនុវត្តជាមួយនិង ISD-2 ព្រមទាំងផ្តល់យោបល់លើការរៀបចំសូចនាករវាស់វែងពាក់ព័ន្ធរបស់ ISD-2 ឱ្យស្របទៅតាមលទ្ធផលរំពឹងទុកនៃផែនការអនុវត្តរយៈពេល៥ឆ្នាំ ដំណាក់កាលទី២ នៃកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិដំណាក់កាលទី២ (កជទី២)។

កិច្ចប្រជុំនេះបានពិភាក្សាដោយផ្តោតសំខាន់លើកិច្ចការសំខាន់ៗដូចជា ការពង្រឹង និងពង្រីកវិសាលភាពអនុវត្តការងារគណនេយ្យភាពសង្គមនៅថ្នាក់ក្រុង ស្រុក ខណ្ឌ ការរៀបចំធ្វើទំនើបកម្មប្រព័ន្ធឌីជីថល ការពង្រឹងថ្នាលសិក្សាពីចម្ងាយ (e-learning) និងការរៀបចំយុទ្ធសាស្រ្តប្រាស្រ័យទាក់ទងសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ៕