ផ្អែកតាមស្មារតីនៃកិច្ចប្រជុំ ស្ថាប័នទាំងពីរបានឯកភាពបន្តកិច្ចសហប្រតិបត្តិការក្នុងភាពជាដៃគូក្នុងការបណ្តុះបណ្តាល និងអភិវឌ្ឍន៍សមត្ថភាពដល់រដ្ឋបាលថ្នាក់ក្រោមជាតិទាំងថ្នាក់ដឹកនាំ និងមន្រ្តីបច្ចេកទេសលើកិច្ចការងារនេះ និងបន្តប្រជុំបច្ចេកទេសបន្ថែមទៀតដើម្បីធានាឱ្យការរៀបចំកម្មវិធីបណ្តុះបណ្តាលនេះមានលក្ខណៈគ្រប់ជ្រុងជ្រោយ។

កិច្ចប្រជុំនេះ មានការអញ្ជើញចូលរួមពីតំណាងសាលាជាតិរដ្ឋបាលមូលដ្ឋាន មន្រ្តី និងទីប្រឹក្សានៃលេខាធិការដ្ឋាន គ.ជ.អ.ប. សរុបចំនួន១០រូប ស្រី២រូប។

សូមគូសបញ្ជាប់ថា ការគិតគូរពីនិរន្តរភាពនៃការអភិវឌ្ឍសមត្ថភាពលើការអនុវត្តការងារគណនេយ្យភាពសង្គម ដល់រដ្ឋបាលថ្នាក់ក្រោមជាតិ ជាសូចនាករមួយរបស់គម្រោងសមាហរណកម្មគណនេយ្យភាពសង្គមទៅក្នុងប្រព័ន្ធរដ្ឋបាលថ្នាក់ជាតិ និងថ្នាក់ក្រោមជាតិដំណាក់កាលទី២ ដែលគាំទ្រដោយរដ្ឋាភិបាលអូស្រ្តាលី តាមរយៈមូលនិធិបរធនបាលកិច្ចដែលសម្របសម្រួលដោយធនាគារពិភពលោក៕