កម្មវិធីតម្រង់ទិសនេះ រៀបចំឡើងក្នុងគោលបំណងផ្តល់ការតម្រង់ទិសសម្រាប់ការប្រើប្រាស់ប្រព័ន្ធគ្រប់គ្រងផែនការសកម្មភាព និងថវិការបស់ គ.ជ.អ.ប. ជូនដល់មន្ត្រីបង្គោលទទួលបន្ទុកប្រព័ន្ធទិន្នន័យ របាយការណ៍ ផែនការសកម្មភាព និងថវិកាប្រចាំឆ្នាំ (NAD) និងការអនុវត្តជាក់ស្តែង ដើម្បីឱ្យដំណើរការអនុវត្ត ផ.ស.ថ. ប្រចាំឆ្នាំ ប្រព្រឹត្តទៅប្រកបដោយប្រសិទ្ធភាព និងទទួលបានជោគជ័យ។

ក្នុងនោះ កម្មវិធីបានផ្តោតលើការធ្វើបទបង្ហាញនូវចំនុចសំខាន់ៗរួមមាន៖ ការរៀបចំរបាយការណ៍វឌ្ឍនភាពនៃការអនុវត្ត ផ.ស.ថ. របស់ គ.ជ.អ.ប., ការបង្ហាញអំពីទិដ្ឋភាពទូទៅនៃប្រព័ន្ធ NAD, ការណែនាំអំពីរបៀបបញ្ចូលទិន្នន័យ និងធ្វើបច្ចុប្បន្នភាពលើផែនការសកម្មភាព និងថវិកា (AWPB Plan) និងការអនុវត្តសកម្មភាព (AWPB Implementation) ព្រមទាំងវិធីសាស្ត្រក្នុងការទាញយក និងឆ្លុះបញ្ចាំងលើវឌ្ឍនភាព (AWPB Report)។

ជាលទ្ធផល កម្មវិធីតម្រង់ទិសនេះបានប្រព្រឹត្តទៅដោយទទួលបានផ្លែផ្កាយ៉ាងត្រចះត្រចង់ និងឆ្លើយតបបានយ៉ាងមានប្រសិទ្ធិភាពតាមគោលបំណងដែលបានគ្រោងទុក ដោយបានបង្កើនសមត្ថភាព និងការយល់ដឹងកាន់តែច្បាស់លាស់ដល់មន្ត្រីបង្គោល និងតំណាងក្រសួង-ស្ថាប័ន ក្នុងការប្រើប្រាស់ប្រព័ន្ធគ្រប់គ្រងទិន្នន័យឱ្យមានប្រសិទ្ធភាព សុក្រឹតភាព និងភាពច្បាស់លាស់ខ្ពស់។ កម្មវិធីនេះបានបញ្ចប់ទៅក្រោមបរិយាកាសរីករាយ ស្និទ្ធស្នាល និងប្រកបដោយស្មារតីទទួលខុសត្រូវខ្ពស់៕