អង្គប្រជុំបានពិនិត្យ និងពិភាក្សាលើខ្លឹមសារសំខាន់ៗនៃសេចក្តីព្រាងព្រះរាជក្រឹត្យនេះ ពាក់ព័ន្ធនឹងការរៀបចំ និងការគ្រប់គ្រងមន្ត្រីនៃអង្គរដ្ឋបាល រួមមានការកំណត់ប្រភេទអង្គរដ្ឋបាល ការកំណត់តួនាទី និងមុខតំណែង ការជ្រើសរើស ការតែងតាំង ការផ្លាស់ប្តូរ និងការផ្ទេរ ព្រមទាំងការគ្រប់គ្រងក្របខ័ណ្ឌ ឋានន្តរស័ក្តិ និងថ្នាក់របស់មន្ត្រី ដោយផ្តោតជាពិសេសលើការធានាឱ្យបទប្បញ្ញត្តិនៃសេចក្តីព្រាងនេះមានភាពច្បាស់លាស់ ស៊ីសង្វាក់ និងស្របតាមច្បាប់ និងលិខិតបទដ្ឋានគតិយុត្តជាធរមាន ព្រមទាំងសមស្របនឹងការអនុវត្តជាក់ស្តែង។

ជាលទ្ធផល អង្គប្រជុំបានឯកភាពលើខ្លឹមសារមួយចំនួន និងបានផ្តល់មតិយោបល់ ព្រមទាំងធាតុចូលបន្ថែមលើចំណុចដែលត្រូវបន្តកែសម្រួល ដើម្បីប្រមូលផ្តុំជាមតិរួមរបស់ក្រសួងមហាផ្ទៃ សម្រាប់យកទៅពិភាក្សា និងសម្របសម្រួលបន្តជាមួយក្រសួងមុខងារសាធារណៈ មុនបន្តនីតិវិធីតាមការកំណត់៕