ក្នុង​ដំណើរ​ទស្សនកិច្ច​នេះ​មាន​ការអញ្ជើញចូលរួមដោយតំណាងក្រសួងសុខាភិបាល​ តំណាងក្រសួងសេដ្ឋកិច្ច អភិបាល​រង​ខេត្ត​ មន្ទីរ​ជំនាញ​ថ្នាក់​ខេត្ត​ អភិបាល​ អភិបាល​រង​ស្រុក​ មន្ត្រី​បង្គោលថ្នាក់ខេត្ត​ ថ្នាក់​ស្រុក​ មេឃុំ​ កងកម្លាំង​ អាជ្ញាធរ​មូលដ្ឋាន​ លោកស្រី Chiho Suzuki និងលោកស្រី Manuela Faria តំណាងធនាគារពិភពលោក​ អង្គការ​ដៃគូរ​ WVI CAFs ក្រុមការងារទ្រទ្រង់សុខភាពភូមិ និងអ្នកពាក់ព័ន្ធសរុប​ប្រមាណ​៦០ នាក់​ ស្រី​៣៥នាក់​។

ដំណើរ​ទស្សនកិច្ច​នេះ​រៀបចំ​ឡើង​ក្នុង​គោល​បំណង​៖

-ពិនិត្យ និងស្វែងយល់អំពីវឌ្ឍនភាពនៃការអនុវត្តគម្រោងអាហារូបត្ថម្ភនៅកម្ពុជា ដំណាក់កាលទី១ និងដំណាក់កាលទី២ ជាមួយអ្នកអនុវត្តសំខាន់ៗនៅថ្នាក់ខេត្ត ថ្នាក់ក្រុង ស្រុក និងថ្នាក់ ឃុំ សង្កាត់

-ពិភាក្សាអំពីការធានានិរន្តភាពនៃការអនុវត្តកម្មវិធីឃុំ សង្កាត់បន្ទាប់ពីគម្រោងត្រូវបានបិទ បញ្ចប់ ។

-ស្វែងយល់អំពីការផ្តល់សេវាសុខភាពនៅមណ្ឌលសុខភាព និងកិច្ចសហការរវាងមណ្ឌលសុខភាព និងរដ្ឋបាលឃុំ សង្កាត់។

-ពិនិត្យអំពីស្ថានភាពគណៈកម្មការគ្រប់គ្រងមណ្ឌលសុខភាព និងបញ្ហា ប្រឈមនានា។