ខេត្តព្រះសីហនុ
៖ នាព្រឹកថ្ងៃចន្ទ ៥រោច
ខែកត្តិក ឆ្នាំម្សាញ់ សប្តស័ក
ពុទ្ធសករាជ ២៥៦៩ ត្រូវនឹងថ្ងៃទី១០
ខែវិច្ឆិកា ឆ្នាំ២០២៥ ឯកឧត្តម
ឆេង វឌ្ឍនៈ អនុប្រធានលេខាធិការដ្ឋាន
គ.ជ.អ.ប. តំណាងដ៏ខ្ពង់ខ្ពស់ឯកឧត្តម
ចាន់ សុធា រដ្ឋលេខាធិការក្រសួងមហាផ្ទៃ
និងជាប្រធានលេខាធិការដ្ឋាន
គ.ជ.អ.ប.
បានអញ្ជើញចូលរួមសិក្ខាសាលាចែករំលែកបទពិសោធនៃការគ្រប់គ្រង
និងការផ្តល់សេវាសាធារណៈរបស់ជ័យលាភីអង្គភាពផ្តល់សេវាសាធារណៈគំរូក្នុងវិស័យអប់រំ
ឆ្នាំ២០២៤ កម្រិតមត្តេយ្យសិក្សា
សម្រាប់ចំណាត់ថ្នាក់លេខ១
នៅសាលាមត្តេយ្យសិក្សាធនធានក្រុងព្រះសីហនុ
ក្រោមអធិបតីភាពដ៏ខ្ពង់ខ្ពស់ឯកឧត្តម
ហ៊ុន ម៉ានី ឧបនាយករដ្ឋមន្ត្រី
រដ្ឋមន្រ្តីក្រសួងសាធារណៈ និងជាប្រធាន គ.វ.ជ.
ដោយបានជួបសំណេះសំណាល
និងអបអរសាទរជាមួយលោកស្រីនាយិកា
លោកគ្រូ អ្នកគ្រូ បុគ្គលិក
និងសហគមន៍មាតាបិតាសិស្ស
រួមទាំងអាជ្ញាធរ ក្នុងនោះ
ឯកឧត្តមអង្គពិធីបានកោតសរសើរ
និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់គ្រប់ភាគីពាក់ព័ន្ធទាំងអស់
ដែលមានឆន្ទៈខ្ពស់ក្នុងការដឹកនាំ
រួមគ្នាគាំទ្រដល់ការអភិវឌ្ឍសាលារៀន
និងឈានទៅដល់ការផ្ដល់សេវាអប់រំល្អប្រសើរជូនដល់កូនចៅប្រជាពលរដ្ឋក្នុងមូលដ្ឋាន
។
ឯកឧត្ដមឧបនាយករដ្ឋមន្ត្រី
បានបញ្ជាក់បន្ថែមថា
កិច្ចខិតខំប្រឹងប្រែងរបស់គ្រប់ភាគីពាក់ព័ន្ធទាំងអស់
គឺបានបង្ហាញពីឆន្ទៈ
មនសិការ
និងឧត្ដមភាពមន្ត្រីរាជការ
ក្នុងការបម្រើសេវាសាធារណៈបានល្អប្រសើរស្របតាមទស្សនៈនិងចក្ខុវិស័យរបស់ប្រមុខរាជរដ្ឋាភិបាល
ក្នុងការកសាងធនធានមនុស្សដ៏មានសមត្ថភាពជូនសង្គមជាតិយើងបន្តទៅអនាគត។
គួររំលឹកដែរថាសាលាមត្តេយ្យសិក្សាធនធានក្រុងព្រះសីហនុ
ត្រូវបានរាជរដ្ឋាភិបាលវាយតម្លៃនិងទទួលស្គាល់ជាអង្គភាពផ្ដល់សេវាសាធារណៈគំរូក្នុងវិស័យអប់រំ
ចំណាត់ថ្នាក់លេខ១ កម្រិតមត្តេយ្យសិក្សា
សម្រាប់ឆ្នាំ២០២៤៕
ប្រភពរូបភាព៖
ក្រសួងមុខងារសាធារណៈ
