កិច្ចប្រជុំនេះ មានការចូលរួមពីមន្ត្រីជាន់ខ្ពស់នៃធនាគារអភិវឌ្ឍន៍អាស៊ី (ADB) តំណាងក្រសួងសេដ្ឋកិច្ច និងហិរញ្ញវត្ថុ តំណាងរដ្ឋបាលថ្នាក់ក្រោមជាតិ ក្រុមទីប្រឹក្សា Landell Mills ក្រុមការងារលេខាធិការដ្ឋាន គ.ជ.អ.ប. និងក្រុមការងារ ADB សរុបចំនួន ៤០ រូប (ស្ត្រី ៨ រូប) ព្រមទាំងមានការចូលរួមតាមរយៈប្រព័ន្ធ ZOOM ពីអ្នកពាក់ព័ន្ធ និងតំណាងខេត្តគោលដៅរបស់គម្រោង រួមមាន ខេត្តបាត់ដំបង សៀមរាប បន្ទាយមានជ័យ កំពង់ធំ កំពង់ចាម ព្រៃវែង ពោធិ៍សាត់ ឧត្តរមានជ័យ និងខេត្តព្រះវិហារ។

កិច្ចប្រជុំនេះ មានគោលបំណងបញ្ជាក់អំពីលទ្ធភាពជោគជ័យនៃគម្រោង ដោយផ្តោតលើលទ្ធភាពបច្ចេកទេស លទ្ធភាពសេដ្ឋកិច្ច និងការត្រៀមរៀបចំសម្រាប់ការអនុវត្តគម្រោង។ ជាមួយគ្នានេះផងដែរ កិច្ចប្រជុំបានពិភាក្សាដើម្បីឈានទៅសម្រេចកិច្ចព្រមព្រៀងរវាងធនាគារអភិវឌ្ឍន៍អាស៊ី (ADB) លេខាធិការដ្ឋាន គ.ជ.អ.ប. និងក្រសួងសេដ្ឋកិច្ច និងហិរញ្ញវត្ថុ លើចំណុចសំខាន់ៗមួយចំនួន រួមមាន៖

១. ហេតុផល ផលប៉ះពាល់ លទ្ធផល និងទិន្នផលនៃគម្រោង

២. គំរូហិរញ្ញប្បទានដែលបានស្នើឡើង និងផែនការហិរញ្ញប្បទាន

៣. ជម្រើសគ្រប់គ្រងបំណុល និងលក្ខខណ្ឌនៃការទូទាត់សង

៤. ការរៀបចំការអនុវត្តគម្រោង និងសៀវភៅណែនាំស្តីពីការគ្រប់គ្រងគម្រោង

៥. ការបញ្ជាក់អំពីប្រភេទសុវត្ថិភាពសង្គម និងការត្រៀមខ្លួនជាស្រេចសម្រាប់តម្រូវការឯកសារដែលអាចអនុវត្តបាន៕