ដំណើរទស្សនៈកិច្ចរបស់លោក WILLCOCK ទីប្រឹក្សាជាន់ខ្ពស់របស់ធនាគារពិភពលោក

សេចក្ដីលម្អិត

ជំពូក​មេ៖ Projects

បាន​បង្កើត​នា សុក្រ, 18 មករា 2013 04:24

កែ​ចុងក្រោយ​នៅ សុក្រ, 18 មករា 2013 04:29

កាលពីថ្ងៃទី០៧/១២/២០១២ មានបេសកកម្មមួយរបស់លោក WILLCOCK ទីប្រឹក្សាជាន់ខ្ពស់​របស់ធនាគារពិភពលោក​ដែលអមដំណើរដោយលោកស្រី ចំរើន មុតិតា ប្រធានក្រុមការងារគាំទ្រគម្រោង LASED ​របស់ធនាគារពិភពលោក​ក្រោមការដឹកនាំ និងសម្របសម្រួលរបស់ ឯ.ឧបណ្ឌិត សារេត បូរាមីអគ្គនាយករង នៃក្រសួង ដ.ន.ស និងជានាយកគម្រោង LASED ​ថ្នាក់ជាតិ និង លោក លី គីមពាវ ប្រធានគម្រោង LASED ថ្នាក់ខេត្ត ព្រមទាំងមានការចូលរួមពីមន្រ្តីនិងទីប្រឹក្សាអនុវត្តន៏គម្រោង ​  ថ្នាក់ជាតិ ថ្នាក់ខេត្ត  ស្រុក និងឃុំសរុប​ចំនួន ២១ នាក់( ស្រី ០៥​នាក់ ) ។​ដំណើរទស្សនៈកិច្ចនេះមានគោលបំណងដក​ស្រង់បទពិសោធន៏​លើលទ្ធផល​អនុត្តន៏គម្រោង LASED ​ស្ថិតក្នុងឃុំទីពោ ស្រុកសន្ទុក ខេត្តកំពង់ធំ។

ក្នុងឧិកាសនោះដែរក៏បានជួបសំណេះសំណាល និងសួរសុខទុក្ខតំណាងប្រជាពលរដ្ឋចំនួន​៣២គ្រួសារ( ស្រី២០នាក់ )​ បន្ទាប់មកក្រុមការងារខេត្តបានធ្វើការបង្ហាញនូវផែនទីអំពីទីតាំងសំខាន់ៗដូចជាការរៀបចំប្លង់ដីលំនៅដ្ឋាន ប្លង់ដីកសិកម្ម ទីតាំងសម្រាប់ហេដ្ឋារចនាសម្ព័ន្ឋរូបវន័្ត  មានផ្លូវលំក្នុងភូមិ   ប៉ុស្ត៍សុខភាព សាលារៀន អណ្តូងទឹកស្អាត ..។ល។និងទីតាំងផ្សេងៗជាច្រើនទៀត ។  ជាមួយនេះក៏បានធ្វើការ សាកសួរដល់តំណាងប្រជាពលរដ្ឋ អំពីមុនពេលនិងក្រោយពេលដែលបានទទួលសម្បទានដីសង្គមកិច្ច​ ថាតើមានការលំបាក ការងាយស្រួល និង សំណូមពរអ្វីខ្លះ។  តំណាងប្រជាពលរដ្ឋបានបំភ្លឺជូនថា៖ មុនពេល​ទទួល​បាន​ដីសម្បទានសង្គម​ កិច្ចនេះប្រជាពលរដ្ឋយើងខ្ញុំមានការលំបាកខ្លាំង ដោយគ្រួសាខ្លះ​អត់ដី  និងខ្លះខ្វះ​ដីបង្កបង្កើនផល  ជីវភាពកាន់តែក្រីក្រពីមួយឆ្នាំ ទៅមួយឆ្នាំ​ ។ ប៉ុន្តែក្រោយពីទទួលបាន​​ដីសម្បទាន​​​​​សង្គម​កិច្ច នេះប្រជាពលរដ្ឋយើងខ្ញុំមានការ សប្បាយរីករាយយ៉ាងខ្លាំង​ដោយមានការជួយគាំ​ទ្រពីធនាគារ​ពិភព​លោក អង្គការដៃគូ បានឧបត្ថម្កជាសំភារៈប្រើប្រាស់  និងអង្ករជាច្រើនដែល ធ្វើឲ្យពួក​យើង​​ខ្ញុំមានក្តី​សង្ឃឹម​​​ពីបច្ចុប្បន្ននេះទៅអនាគត ។​ ពិសេស​គឺយើងខ្ញុំមានដីសម្រាប់​ចែកឲ្យដល់កូន​ចៅ​ជំនាន់​ក្រោយ​ទៀតផង។ ប៉ុន្តែទោះជា​យ៉ាង​ណាប្រជាពលរដ្ឋបានសំណូមពរក្នុងការ​បន្តរជួយគាំទ្រ​ដល់​ ពួកគាត់​បន្ថែម​ទៀតត្បិតពួកគាត់ទើបតែ​បាន​ងើបផុតពីការលំបាកមួយកំរិត និងមិនទាន់បានរឹងដៃជើង​ខ្លួនឯងនៅ​ឡើយ។​​

ជាបន្តក្រុមការងារ និងតំណាងធនាគារពិភពលោកបានទៅទស្សនាដោយផ្ទាល់ដល់ប៉ុស្ត៍សុខភាពសាលារៀន អណ្តូងទឹកស្អាត ..។ល។ ទីតាំងដីកសិកម្ម និងដល់លំនៅដ្ឋានរបស់ប្រជាពលរដ្ឋជាច្រើនទៀតនឹងបានធ្វើការផ្តល់យោបល់ជាបទពិសោធន៍ទៅលើការដាំដុះ ចិញ្ចឹមសត្វឲ្យបានតាមបទដ្ឋានបច្ចេកទេស។

ក្រោយពីបានពិនិត្យ ស្វែងយល់ និង​​វាយតម្លៃ អំពីការអនុវត្ត​​​​​​គម្រោងដល់​ទីតាំងជាក់ស្តែងរួចមកក្រុមការងារ និងតំណាងធនាគារពិភពលោកអាចសន្និដ្ឋានបានជារួមថាប្រជាពលរដ្ឋ​ទទួល​ បានដីសម្បទានសង្គមកិច្ចក្នុងឃុំទីពោនេះមានភាពឧស្សាហ៏ព្យាយាមខ្ពស់ក្នុងការដាំដុះ  ចិញ្ចឹមសត្វ  យកចិត្តទុកដាក់​ថែរក្សា​នូវ​សមិទ្ធិ​ផល​​​​​​ សហគមន៏និងបានខិតខំក្នុងការបង្កបង្កើន​ផលដើម្បីអភិវឌ្ឍន៏ជីវភាព​របស់ខ្លួនសម​ ស្រប​​​និងគោល​បំណង​របស់គម្រោង៕