Deputy chairman
NCDD Library
Latest Report
លិខិតបទដ្ឋានគតិយុត្តថ្មីៗ
អនុក្រឹត្យការសុំច្បាប់មន្រ្តីរាជការស៊ីវិល
ការបើកការដ្ឋានសាងសង់ផ្លូវលំចូលតំបន់ដីសម្បទានសង្គមកិច្ច ឃុំទីពោ ស្រុកសន្ទុក ខេត្តកំពង់ធំ
ថ្ងៃទី ១៦ ខែកក្កដា ឆ្នាំ២០១២៖ គម្រោងបែងចែកដីដើម្បីសង្គមកិច្ច និងការអភិវឌ្ឍន៏សេដ្ឋកិច្ច (LASED) បានធើ្វការបើកការដ្ឋានសាងសង់ផ្លូវលំមួយ នៅតំបន់ដីសម្បទានសង្គមកិច្ចឃុំទីពោ ដែលមានប្រវែងសរុបចំនួន ១១.០៥គីឡូម៉ែត និងទទឹង ៥ម៉ែត្រដើម្បីសម្រូលដល់ការធ្វើដំណើរជូនប្រជាពលរដ្ឋ ក្រោមអធិបតីភាព លោកបណ្ឌិត សារេត បូរាមី នាយកគម្រោង LASED ថ្នាក់ជាតិ ឯកឧត្តម ជាម ប៉េអា ប្រធានសម្របសម្រួលគម្រោង LASED ថ្នាក់ជាតិ និងលោក ឡង គីសឹង នាយករដ្ឋ បាលសាលាខេត្ត ជាតំណាងអភិបាលខេត្តកំពង់ធំ និងដោយមានការសម្របសម្រួលពីប្រធានគម្រោង LASED ថ្នាក់ខេត្ត និងមានការចូលរួមអបអរសាទរ ពីក្រុម ការងារគម្រោងនិងទីប្រឹក្សា លោកទីប្រឹក្សាផអ៣ខេត្តកំពង់ធំ តំណាងមន្ទីរពាក់ព័ន្ធ តំណាងអង្គការ GIZ ក្រុមការងារថ្នាក់ស្រុក ឃុំ និងប្រជាពលរដ្ឋសរុបចំនួន ២៧៨នាក់ (ស្រីចំនួន១៩២ នាក់)។
កន្លងមកគម្រោងបានធ្វើការឧបត្ថម្ភគាំទ្រនូវសំភារៈកសិកម្មនិងលំនៅដ្ឋាន ក៏ដូចជាការផ្តល់នូវសេវាបណ្តុះបណ្តាលពង្រឹង សមត្ថភាពជូនដល់ប្រជាពលរដ្ឋដែលលទទួលបានដីសម្បទានសង្គមកិច្ច ជាពិសេសការសាងសង់នូវហេដ្ឋារចនាសម្ព័ន្ធមូលដ្ឋានរួមមានដូចជា អណ្តូងស្នប់ សាលារៀន ប៉ុស្តិសុខភាព អគារសហគមន៏ ជម្រកស្នាក់នៅ ផ្លូវក្នុងតំបន់លំនៅដ្ឋាន និងផ្លូវកសិម្ម ។ល។ យ៉ាងណាមិញការចាប់ផ្តើមសាងសង់នូវផ្លូវមួយខ្សែថ្មីនេះជា ចំណងដៃដ៏ត្រចះត្រចង់អំពីរាជរដ្ឋាភិបាលឆ្លើយតបនិងតំរូវការបន្ទាន់របស់ប្រជាពល រដ្ឋក្នុងការសម្រួលដល់ការធ្វើដំណើរ ដឹកជញ្ជូននិងការប្រាស្រ័យទាក់ទងពីភូមិមួយទៅភូមិមួយដែលប្រជាពលរដ្ឋ ធ្លាប់តែទទួលនូវការលំបាកនាពេលកន្លងមក។
ក្នុងឧកាសនេះលោក បណ្ឌិត សារេត បូរាមី ប្រធានគ្រប់គ្រងគម្រោងថ្នាក់ជាតិ បានមានប្រសាសន៍ផ្តាំផ្ញើរដល់ប្រជាពលរដ្ឋ ក្នុងការយកចិត្តទុកដាក់ថែរក្សាផ្លូវលំនេះឲ្យប្រើប្រាស់បានយូរអង្វែង និងត្រូវគិតថាផ្លូវនេះជាផ្លូវរបស់យើង ជាសម្បត្តិរបស់ភូមិយើងដែលចាំបាច់ត្រូវមានឆន្ទៈរួបរួមគ្នា ក្នុងការថែរក្សាការពារអោយអស់លទ្ធភាព ដើម្បីធានាការប្រើប្រាស់បានសមស្របក្នុងការបំរើអោយផលប្រយោជន៏ និងជីវភាពរបស់បងប្អូនប្រជាពលរដ្ឋយើងទាំងអស់គ្នា។ លោកបណ្ឌិតក៏បានណែនាំដល់តំណាងក្រុមហ៊ុនទទួលការ អោយមានការយកចិត្តទុក ដាក់អនុវត្តន៏ការងារស្ថាបនាផ្លូវនេះសមស្របតាមបទដ្ឋានបច្ចេកទេសធានានូវគុណភាពខ្ពស់ និង ទាន់ពេលវេលាទៅតាមកិច្ចសន្យាដើម្បីបំពេញដល់សេចក្តីត្រូវការរបស់ប្រជាពលរដ្ឋយើងអោយបានឆាប់។ ថ្នាក់ដឹកនាំគម្រោងនិងគណៈអធិបតីក៏បានណែនាំនិងលើកកំពស់ការយកចិត្តទុកដាក់របស់បងប្អូនប្រជាពល រដ្ឋក្នុងការប្រើប្រាស់ដីដែលគម្រោងបានចែកជូនអោយមានប្រសិទ្ធភាព និងប្រសិទ្ធផលខ្ពស់សមស្របទៅតាមគោលបំណងរបស់គម្រោង និងគោលនយោបាយកាត់បន្ថយភាពក្រីក្ររបស់រាជរដ្ឋាភិបាល។
តំណាងក្រុមហ៊ុន ហុង ឆាយហេង បានបញ្ជាក់ថាក្រុមហ៊ុននឹងយកចិត្តទុកដាក់ខ្ពស់អនុវត្តន៏តាមបទដ្ឋានបច្ចេកទេសឲ្យបានសមស្រប។ តាមកិច្ចសន្យាការងារសាងសង់នេះមាន រយៈពេល០៦ខែតែទោះជាយ៉ាងណាក្រុមហ៊ុន និងខិតខំបញ្ចប់ការងារក្នុងត្រឹមរយៈពេល ០៣ខែប្រសិនបើមិនមានបញ្ហារាំងស្ទះខ្លាំងនោះទេ។
នៅទីបញ្ចប់គណៈធិបតីបានឡើងបញ្ជាបើកគ្រឿងចក្រជាសក្ខីភាពបើការដ្ឋានសាងសង់ផ្លូវមេចាប់ពីពេលនេះតទៅ។
ប្រជាពលរដ្ឋមានការសប្បាយរីករាយក្រៃលែងនិងម្នាក់ៗសំដែងនូវទឹកមុខញញឹមប្រកបដោយក្តី
ស ង្ឃឹមនឹងបានថ្លែងអំណរគុណដល់ថ្នាក់ដឹកនាំ ក៏ដូចជាអាជ្ញាធរដែលបានយកចិត្តទុកដាក់ និងរួមសហការគ្នាក្នុងការសាងសង់ផ្លូវលំក្រាលគ្រួសក្រហម ដែលជាចំណងដៃថ្មី ជូនដល់ប្រជាពលរដ្ឋក្នុងភូមិ ឃុំ ពួកគាត់ ដែលកន្លងមកទីនេះពុំមានផ្លូវបានសមរម្យនោះទេ ការធ្វើដំណើរក៏ចំណាយពេលយូរ ជាពិសេសនៅរដូវភ្លៀងត្រូវបានទឹកហូរកាត់ផ្តាច់ បង្ករឲ្យមានការខកខានក្នុងធ្វើដំណើរ តែពេលនេះគឺមានផ្លូវថ្មីមួយខ្សែនេះលែងព្រួយបារម្ភណ៍ទៀតហើយ។
