Welcome to NCDD, Cambodia D&D

យោងព្រះរាជក្រឹត្យស្ដីពីការបង្កើត គ.ជ.អ.ប លេខ នស,រកត,១២០៨,១៤២៩ ចុះថ្ងៃទី៣១ ខែធ្នូ ឆ្នាំ២០០៨ និង យោងអនុក្រឹត្យ លេខ ២៣ អ.ន.ក្រ ចុះថ្ងៃទី២៧ ខែមករា ឆ្នាំ២០០៩ ស្ដីពីការរៀបចំ និងការប្រព្រឹត្ដទៅរបស់ លេខាធិការដ្ឋាន គ.ជ.អ.ប លេខាធិការដ្ឋាន គ.ជ.អ.ប មានកិត្ដិយសសូមជម្រាបជូនសម្ដេច ឯកឧត្ដម លោកជំទាវ លោក លោកស្រី នាងកញ្ញា និង សិស្សានុសិស្សទាំងអស់​មេត្ដាជ្រាបថា លេខាធិការដ្ឋានបានបើកដំណើរការបណ្ណាល័យ មួយដែល​កំពុង​បម្រើ​អ្នក​អាន​គ្រប់​មជ្ឈដ្ឋាន​ទាំងអស់​ក្នុងការស្រាវជ្រាវឯកសារផ្សេងៗ  ពិសេសឯកសារដែលទាក់ទងនឹង ការងារ​​វិមជ្ឍការ និងវិសហ​មជ្ឈការ និង​ការពង្រឹ​ងសមត្ថភា​ពរបស់រដ្ឋបាល​ថ្នាក់ក្រោម​ជាតិ។

បណ្ណាល័យមានឯកសារជាច្រើនទៀតទាក់ទងនឹងវិស័យនានាដូចជា  កសិកម្ម សេដ្ឋកិច្ច អប់រំ ហេដ្ឋារចនាសម្ព័ន្ធ គ្រប់គ្រងធនធានធម្មជាតិ និងបរិស្ថាន ទេសចរណ៍ ទំនាក់ទំនងអន្ដរជាតិ វិស័យឯកជន ជនជាតិដើមភាគតិច  ភាពក្រីក្រ អភិវឌ្ឍន៍ជនបទ ការប្រើប្រាស់ដីធ្លី យេនឌ័រ របាយការណ៍ គោលការណ៍ និងច្បាប់ផ្សេងៗ ព្រមទាំងឯកសារដែល ទាក់ទងនឹងសង្គមទូទៅ។

បណ្ណាល័យមានកំព្យូទ័រចំនួន១៥ គ្រឿងសម្រាប់បំរើការស្រាវជ្រាវឯកសារតាមរយៈ Internet ដោយពុំគិតថ្លៃ។

បណ្ណាល័យសូមស្វាគមន៍ និងផ្ដល់សេវាកម្មជូនអ្នកអានគ្រប់មជ្ឈដ្ឋានទាំងអស់ក្នុងការអាន ការខ្ចី និងទទួលឯកសារ ត្រឡប់មកវិញ។

បណ្ណាល័យសូមថ្លែងអណរគុណយ៉ាងជ្រាលជ្រៅចំពោះបណ្ដាក្រសួង និងគណៈកម្មាធិការជាតិ់ទាំងអស់នៃរាជរដ្ឋាភិបាល កម្ពុជា អង្គការជាតិ និងអន្ដរជាតិនានា អ្នកនិពន្ធ អ្នកច្បាប់ អ្នកពិគ្រោះយោបល់ទាំងឡាយដែលបានផ្ដល់ឯកសារជាច្រើនសំរាប់ បំរើការស្រាវជ្រាវ និងរង់ចាំទទួលស្វាគមន៍ដោយរីករាយ និងសូមថ្លែងអំណរគុណ​ទុកជា​មុន​ចំពោះ​ការ​រួម​ចំណែក​គាំទ្រ​បណ្ណាល័យ គ.ជ.អ.ប នេះតទៅទៀត។

អស័យដ្ឋានទំនាក់ទំនងជាមួយបណ្ណាល័យ គ.ជ.អ.ប ៖  ក្រសួងមហាផ្ទៃ មហាវិថីព្រះនរោត្ដម

ទូរស័ព្ទៈ ០១២ ៤៥៦ ៦៧៣ - ០១៣ ៥១៨ ៨៨៨ - ០៧៧ ៩០៨ ៨០៩ 
Email:  This e-mail address is being protected from spambots. You need JavaScript enabled to view it                 Website: http://library.ncdd.gov.kh

---

Please click here to download the news in English