លេខាធិការដ្ឋានគ.ជ.អ.ប សូមជូនដំណឹងចំពោះអ្នកទទួលការនៅក្នុងព្រះរាជាណាចក្រកម្ពុជា ជ្រាបថា ការរៀបចំបញ្ជីឈ្មោះ អ្នកទទួលការឆ្នាំ២០១២ និងចាប់ផ្តើមរៀបចំពីខែកញ្ញាឆ្នាំ២០១០នេះតទៅ នៅតាមបណ្តារាជធានី-ខេត្ត ដូចមាន ក្នុងតារាងខាងក្រោម។ ពាក្យសុំចុះ ឈ្មោះក្នុងបញ្ជីអ្នកទទួលការឆ្នាំ២០១២ និងទម្រង់នានា ‹‹អាចយកពីទីនេះ››។ លក្ខណៈវិនិច័្ឆយនិងដំណើរការ មាននៅផ្នែកខាងក្រោម បង្អស់។
មូលហេតុដែលនាំឱ្យសំណើដេញថ្លៃ គ្មានសុពលភាព និងឈ្មោះអ្នកទទួលការដែលមានសំណើគ្មានសុពលភាពច្រើនជាងគេ មានផ្តល់ជូន‹‹នៅទីនេះ››។
សូមទាក់ទងលោក Mr. Chhun Bunnara: This e-mail address is being protected from spambots. You need JavaScript enabled to view it អំពីការផ្សព្វផ្សាយ និងនីតិវិធី
Mr. Chhin Seng Nguon: This e-mail address is being protected from spambots. You need JavaScript enabled to view it ឬ ក្រុមគណនេយ្យភាពថ្នាក់ជាតិ Mr. Hout Leappiseth : This e-mail address is being protected from spambots. You need JavaScript enabled to view it Mr. Chea Vanda: This e-mail address is being protected from spambots. You need JavaScript enabled to view it សម្រាប់បណ្តឹង តវ៉ានានា។
លក្ខណៈវិនិច្ឆ័យសម្រាប់ធ្វើបុរេលក្ខណសម្បត្តិអ្នកទទួលការ ៖
លក្ខណៈវិនិច្ឆ័យដែលត្រូវការជាអប្បបរមាសម្រាប់ធ្វើបុរេលក្ខណសម្បត្តិអ្នកទទួលការ មានដូចខាងក្រោម ៖
១. បទពិសោធន៍របស់អ្នកទទួលការ
អ្នកទទួលការបានអនុវត្តកិច្ចសន្យាដែលមានលក្ខណៈប្រហាក់ប្រហែលចប់សព្វគ្រប់ និងប្រកបដោយគុណភាព យ៉ាងតិច២កិច្ចសន្យា សម្រាប់ប្រភេទអ្នកទទួលការនីមួយៗ ដែលអ្នកទទួលការបានដាក់ពាក្យសុំចុះឈ្មោះក្នុង បញ្ជីឈ្មោះអ្នកទទួលការ។
២. សម្ភារៈបរិក្ខារ
ត្រូវមានភស្តុតាងបញ្ជាក់អំពីភាពជាម្ចាស់នៃសម្ភារៈបរិក្ខារ។ ក្នុងករណីជួលសម្ភារៈបរិក្ខារ ត្រូវមានឯកសារ កិច្ចសន្យាជួលសម្ភារៈបរិក្ខារនោះ ជាភស្តុតាង។
- អ្នកទទួលការប្រភេទទី១ ៖ ត្រូវមានឧបករណ៍លាយបេតុងមួយគ្រឿង ឧបករណ៍រំញ័របង្ហាប់បេតុងមួយ គ្រឿង និងមានស៊ីនភ្លើងមួយគ្រឿង។
- អ្នកទទួលការប្រភេទទី២ ៖ ត្រូវមានរូឡូបង្ហាប់មួយគ្រឿង អ៊ិចស្កាវ៉ាទ័រមួយគ្រឿង ប៊ុលដូហ្ស័រ/នីវ៉េល័រ មួយគ្រឿង និងរថយន្តដឹកដីមួយគ្រឿង។
- អ្នកទទួលការប្រភេទទី៣ ៖ ត្រូវមានឧបករណ៍ខួងអណ្តូងមួយកំប្លេ។
៣. បុគ្គលិកបច្ចេកទេស
យ៉ាងហោចណាស់ត្រូវមានអ្នកគ្រប់គ្រងការសាងសង់មួយនាក់ដែលមានជំនាញបច្ចេកទេស និងមានបទពិសោធន៍ អនុវត្តការងារ យ៉ាងតិច២ឆ្នាំ នៃប្រភេទអ្នកទទួលការនីមួយៗ ដែលអ្នកទទួលការបានដាក់ពាក្យស្នើសុំ។
នីតិវិធីវាយតម្លៃអ្នកទទួលការ
- ក្រុមមន្ត្រីគាំទ្របច្ចេកទេស នឹងរៀបចំបញ្ជីឈ្មោះអ្នកទទួលការដែលដាក់ពាក្យសុំចុះឈ្មោះក្នុងបញ្ជីឈ្មោះអ្នកទទួលការ។ បញ្ជីឈ្មោះនេះ នឹងបិទផ្សាយនៅលើ ក្តារព័ត៌មាននៃសាលារាជធានី ខេត្ត។ អ្នកទទួលការទាំងឡាយ ដែលបានដាក់ពាក្យសុំចុះឈ្មោះ ចូលក្នុង បញ្ជីឈ្មោះអ្នកទទួលការ ហើយមិនឃើញ ឈ្មោះនៅក្នុងបញ្ជីនេះ ត្រូវធ្វើការតវ៉ាទៅ អនុគណៈកម្មការបុរេលក្ខណ សម្បត្តិនៅក្នុងអំឡុងពេល១០ថ្ងៃ ធ្វើការបន្ទាប់ពីការបិទផ្សាយ។
- អនុគណៈកម្មការបុរេលក្ខណសម្បត្តិ នឹងវាយតម្លៃសមត្ថភាពរបស់អ្នកទទួលការយ៉ាងតឹងរឹងបំផុត ដោយផ្អែក លើលក្ខណៈវិនិច្ឆ័យ ដូចមានបរិយាយ នៅក្នុងទម្រង់ពាក្យសុំចុះឈ្មោះក្នុងបញ្ជីឈ្មោះអ្នកទទួលការនេះ។ មិនមាន លក្ខណៈវិនិច្ឆ័យផ្សេងពីនេះ ត្រូវបាន ប្រើប្រាស់ឡើយ។
- ក្រុមមន្ត្រីគាំទ្របច្ចេកទេសនឹងពិនិត្យនូវរាល់ព័ត៌មានដែលអ្នកទទួលការបានបំពេញនៅក្នុងពាក្យសុំ និងចុះពិនិត្យដល់ ការិយាល័យរបស់អ្នកទទួលការ ទីតាំង សម្ភារៈបរិក្ខារ និងទីតាំងគម្រោងយ៉ាងតិច០២ ទាក់ទងនឹងប្រភេទអ្នក ទទួលការដែលអ្នកទទួលការបានដាក់ពាក្យ ដើម្បីផ្ទៀងផ្ទាត់ព័ត៌មាន ដែលអ្នកទទួលការ បានផ្តល់នៅក្នុងពាក្យសុំ ចុះឈ្មោះរបស់ខ្លួន។
- ក្រុមប្រឹក្សាឃុំ សង្កាត់នឹងវាយតម្លៃការបំពេញការងាររបស់អ្នកទទួលការទៅលើភាពស្មោះត្រង់ កិច្ចសហការ ភាពទាន់ពេលវេលានៃការអនុវត្តគុណភាពការងារ និងការថែទាំលទ្ធផលគម្រោងរបស់អ្នកទទួលការ។ ព័ត៌មាននេះ នឹងគ្រាន់តែពិចារណាជាព័ត៌មានមូលដ្ឋាននៅពេលវាយតម្លៃអ្នកទទួលការប៉ុណ្ណោះ។ ព័ត៌មាននេះ នឹងមិនប៉ះពាល់ដល់ ការវាយតម្លៃការបំពេញការងាររបស់អ្នកទទួលការឡើយ លើកលែងតែងមានឯកសារកំណត់ត្រាជាលាយល័ក្ខណ៍ អក្សរកន្លងមក ដែលបង្ហាញយ៉ាងច្បាស់លាស់ថា សុចរឹតភាព និងការបំពេញការងារកន្លងមករបស់អ្នកទទួលការ មិនអាចទទួលយកបាន អ្នកទទួលការនោះ អាចត្រូវបានបដិសេធចេញពីបញ្ជីឈ្មោះអ្នកទទួលការ។ ការបដិសេធ អ្នកទទួលការចេញពីបញ្ជីឈ្មោះអ្នកទទួលការ ត្រូវអនុម័តដោយអភិបាលនៃរាជធានី ខេត្តដែលអ្នកទទួលការនោះ ចុះឈ្មោះក្នុងបញ្ជីឈ្មោះអ្នកទទួលការ។
- អ្នកទទួលការទាំងឡាយណាដែលត្រូវបានរកឃើញថា មានការពាក់ព័ន្ធនឹងការឃុបឃិតស៊ុំគ្រលំគ្នា ការក្លែងបន្លំ និងអំពីពុករលួយ ហើយចាប់ពីពេលដែល ត្រូវបានដកសិទ្ធិជាផ្លូវការ អ្នកទទួលការនោះនឹងមិនត្រូវបានពិចារណា ក្នុងការបញ្ចូលឈ្មោះទៅក្នុងបញ្ជីឈ្មោះអ្នកទទួលការឡើយ។
- ទីចាត់ការផែនការនិងវិនិយោគ នឹងបូកសរុបលទ្ធផលនៃការវាយម្លៃការអនុវត្តការងាររបស់អ្នកទទួលការ ដែលរៀបចំឡើងដោយក្រុមប្រឹក្សាឃុំ សង្កាត់។
- ផ្អែកតាមរបាយការណ៍បូកសរុបលទ្ធផលនៃការវាយតម្លៃការបំពេញការងាររបស់អ្នកទទួលការ ដែលរៀបចំឡើង ដោយទីចាត់ការផែនការនិងវិនិយោគ របាយការណ៍របស់ក្រុមមន្ត្រីគាំទ្របច្ចេកទេស អនុគណៈកម្មការបុរេលក្ខណ សម្បត្តិត្រូវរៀបចំបញ្ជីឈ្មោះអ្នកទទួលការ ដោយភ្ជាប់ជាមួយនូវអនុសាសន៍ ហើយ ដាក់ជូនអភិបាលរាជធានី ខេត្ត ដើម្បីពិនិត្យ និងសម្រេច។
- បញ្ជីឈ្មោះអ្នកទទួលការដែលបានអនុម័តដោយអភិបាលរាជធានី ខេត្ត នឹងបិទផ្សាយនៅលើក្តារព័ត៌មានរបស់សាលារាជធានី ខេត្ត និងដាក់នៅគេហទំព័ររបស់ គ.ជ.អ.ប។ បញ្ជីឈ្មោះ អ្នកទទួលការនឹងត្រូវរៀបចំចងក្រងជាសៀវភៅ ហើយរក្សាទុកនៅលេខាធិការដ្ឋាន គ.ជ.អ.ប នៅសាលារាជធានី ខេត្ត និងនៅសាលាឃុំ សង្កាត់។ អ្នកទទួលការអាច សុំមើល និង ថតចម្លង នូវបញ្ជីឈ្មោះអ្នកទទួលការ។
